以下內容純粹私人分享，先旨聲明我與該廟宇絕無任何關係，除了不認識任何職員外，亦絕無收取任何廣告費。

各位看倌想報名的話，敬請自行聯絡該廟宇。

過年前家人喺fb見到粉嶺某道教廟宇有新春拜太歲活動，由於佢對該廟宇有某種情意結，堅持要報名，惟有問清楚詳情。

職員回覆$150一位，價錢已包拜太歲及年尾還太歲兩日的祭祀用品費用(當然，這並非什麼一日遊旅行，所有交通及飲食等事宜就要自行安排!)

計計數，同自己去攝太歲及還太歲價錢差不多，價錢非常合理。

其實，近年已有不少廟宇都有類似的拜太歲活動，過程大約都是有位道長負責帶領一眾善信祭祀太歲，價錢由百多元至千元內都有。

根據朋友轉述，她同事今年參加了另一間廟宇的新春拜太歲活動，但價錢不包括祭祀用品，要另費購買。

上年亦有友人到過另一間廟宇參加拜太歲活動，不過過程較電子化，連寶帛都好似無。

拜太歲活動由正月初五到十五，近乎每日都有，但一日只得一個指定時段。

當日所見，除了預先報名外亦可即場報名，但要在法會開始前報名，所以，想即場報名的話記得要預早半個鐘到場。

廟宇另行搭建了一祈福壇，方便進行祈福法會。

登記後，職員會派發法會過程簡介、祈福疏文及《寶誥》。

《寶誥》其實不算難讀，預先看一次，已經可以跟住讀。

其實，過程就是自行在祈福疏文上填寫個人資料->由廟宇的道長誦經及帶領善信誦讀《寶誥》->領取平安符等福袋及寶帛->自行將祈福疏文及寶帛投進化寶爐化掉->完成。

全程接近兩個鐘，當中有大半個鐘是填祈福疏文、排隊領福袋及化寶，祈福法會實際也有個幾鐘。

講到呢到大家有無覺得好似同平時拜太歲有啲分別?

就係不似平日般要向當年太歲及本命年太歲拜祭，因為廟宇已恭請了斗姆元君、北斗星君、南辰星君及太歲星君在祈福壇內，所以，屬於一次過向眾神祈福的祈福法會，並不像平日我們自行拜太歲的儀式。

現場所見有不少善信參加完祈福法會後，都有自行再往廟內的太歲殿參拜。

我覺得這個拜太歲活動很適合一些不太了解拜太歲過程的朋友參加，可以不用擔心會否做漏什麼儀式，所以，特地寫一篇向大家推介。

再一次重申，這次是自費的私人活動，純粹阿媽話要報名，點知佢感冒放左我飛機… …!!!!!!