從生活著手的改善運程方法 四

早幾期講嘅傢俱對運程嘅影響,有人同我講佢屋企無喎。(朋友,你買番張床/張飯檯未丫?)

咁今期就講樣每間屋都有嘅野-去水渠。

好多家庭應該都試過冬天廚房盛盤去水慢,甚至有長髮成員嘅家庭,一年四季都因為掉髮而令浴室去水慢。

去水慢,其實已經屬於淤塞,咁大家又有無諗過去水渠淤塞同健康會有關呢?

其實,不論廚房定浴室去水出現淤塞,家庭成員腸道亦較差。

便秘、腹瀉、腸胃抽筋、胃痛,甚至,因吸收問題面造成嘅過肥或過瘦現象都較易出現。

當然,最明顯及常見嘅係便秘及腹瀉

忘記左喺blog定專欄講過,一間屋內部狀況等同家庭成員嘅內臟或器官,當某位置/物品出現問題時,相對應嘅器官或部門亦較易出現問題。去水渠正正反映住家庭成員嘅腸道健康。

有人可能會話,天氣凍油脂易積聚喺水渠係正常喎。

咁大家又有無諗過冬天食野較多亦較重味呢?

曾經去聽過一個養身講座,當中嘅醫護人員話,單食一件約手掌大嘅牛扒就要用7個鐘時間去消化,而所謂嘅7個鐘意思係無其他食物同時要被消化。

消化不了就留喺大腸轉化為糞便,日後排出,就是平日我地所講嘅宿便,大家應該知道宿便過量留在體內會形成什麼問題吧。

所以,大家如果發現去水渠淤塞就應購買安全嘅用品或搵專業人士通渠,以免對健康有所影響,當然,去水暢通就唔代表可以暴飲暴食嘅,均衡飲食先係對自己身體負責。

Share

Author: 姚棹甯 Cammy YIU

發表迴響

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料