臘八節

今日係農曆十二月初八,亦即係臘八節。

傳統上,臘八節當日會以當年最豐收的八種穀物煮成臘八粥,除咗係感謝上天保佑當年穀物能夠豐收之外,亦有祝願來年人口平安、穀物豐收嘅意思。

現今從事農業嘅人較少,而且,技術進步,收成亦較易,到底以什麼材料煮臘八粥先啱呢?

我屋企多數會用麥米、小米、糙米、燕麥、白米、紅豆、綠豆、眉豆煮臘八粥,但其實煮臘八粥並無指定食材,可以因應各自口味黎煮。

當然,地區不同,臘八粥嘅材料亦略有不同,傳統上北方較喜歡加入冰糖煮食甜粥,南方更會加入肉類煮成咸粥。

各位今日不妨煮煲臘八粥,或者,午餐去食碗粥應下節,取個平安和順的意頭。

 

Share

Author: 姚棹甯 Cammy YIU

發表迴響

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料