癸巳蛇年還神吉日

上一篇《癸巳蛇年大掃除吉日》講過大掃除吉日,今次當然要講一下另一樣過年前一定要做嘅事-還神。

不論觀音開庫、攝太歲,還是年初去廟宇去求神作福,年底都需要還神。 每間廟、每樣祈福方法嘅還神方式都略有不同,不過,大致上都離不開清香三注,相關衣紙、生果鮮花和一份誠心。

步驟如何,還是請教相關廟宇嘅廟祝比較好,這方面絕大部份廟祝都會非常樂意解答。

說起還神,很多人都喜歡買百合花去求神/還神,我自己個人習慣是冬天買菊花,夏天買蓮花,沒特別原因,我自己喜歡而已。

不過,盡量也不要買玫瑰等太過鮮艷奪目嘅花,始終,求神/還神都是比較莊嚴,應該買些較為素雅嘅花束。

我嘅離題能力一向好強,所以,廢話少說,係時候入正題。

如同上一篇《癸巳蛇年大掃除吉日》所講一樣,如果手邊有通勝,就拎本通勝出黎,無就留意本篇頁末,我會有提供相關還神嘅吉日。

首先,喺通勝內搵出宜祭祀嘅日子,再搵出與自己生肖無相沖嘅日子。 與大掃除唔同,宜祭祀嘅日子會比較多,所以,大家唔洗擔心難遷就工作時間。

時間就盡量揀上午嘅吉時,始終,還神係基於對神佛嘅尊重同感謝,盡量朝早去比較好。

不過,一定要揀農曆十二月廿四之前嘅日子,因為傳統上農曆十二月廿四係”送神”嘅日子,當日大部份民間嘅神佛都會”放假”回天庭匯報世間一切事宜,所以,要多謝祂們保佑自然要喺佢地放假之前做。

今年農曆十二月廿四係新曆1月24日,不過,最遲宜祭祀嘅日子係新曆1月20號,大家要留意啦。

唔好問我去開邊間廟求神/還神,求神呢方面好講緣份,我認為合適嘅未必其他人喜歡,別人認為好嘅我又未必覺得啱心水。 總之,依自己習慣、喜好吧。

不過,大家也要留意,各廟宇開門時間都不同,大部份都會在早上7-9點開門,太早去到的話可能會摸門釘了。

本月宜還神吉日

(新曆)1月7號,辰至午時(07:00-12:59),沖猴;

1月8號,午時(11:00-12:59),沖雞;

1月9號,辰至午時(07:00-12:59),沖犬;

1月10號,巳至午時(09:00-12:59),沖豬;

1月13號,辰至巳時(07:00-10:59),沖虎;

1月15號,巳時(09:00-10:59),沖龍;

1月17號,辰至巳時(07:00-10:59),沖馬;

1月20號,巳至午時(09:00-12:59),沖雞;

Share

Author: 姚棹甯 Cammy YIU

2 thoughts on “癸巳蛇年還神吉日

    1. @ming
      如果忘了過年前還太歲,現在亦可去相關廟宇還太歲,跟廟祝說要還太歲就可以,不過… …多數廟祝都會提議就算今年無犯沖太歲都最好還完太歲再攝太歲的。

發表迴響

這個網站採用 Akismet 服務減少垃圾留言。進一步了解 Akismet 如何處理網站訪客的留言資料